erran.eus

Etxalarko udalak 31.915 euro jaso ditu Usategietako lehen enkantean

  Gizartea  Bortziriak  Etxalar

Etxalarko Iarmendi inguruko 21 uso ehiza postuen enkantea egin zen irailaren 3an, larunbat eguerdian Etxalarko Herriko Etxean. 31.915 eurotan eman ziren, hasierako prezioaren (34.250 euro) azpitik. Izan ere, postu bat izan ezik, denak hasierako prezioan eman ziren eta lau hutsean gelditu ziren.

Etxalarko udalak 31.915 euro jaso ditu Usategietako lehen enkantean
Hasierako prezioaren azpitik eman ziren uso ehiza postuak. | Ikusi handiago | Argazki originala

 

Azken urteetan baino ehiztari gehixeago bildu arren, ez zen diru mugimendu handiegirik izan. 21 postuetatik 16 hasierako prezioan eman ziren, inolako hobetzerik gabe. 12. postua 73 tanto hobetu zen (730 euro gehiago). Aldiz, 15., 16., 17. eta 18. postuak hutsean gelditu ziren eta inork ez zuen hasierako 715 edo 920 euroak ere ordaindu. Posturik garestienak, zortzigarrena eta hamekagarrena, hasierako 3.270 eurotan eman ziren.

Aipatutako behin behineko esleipenei sesta ematen ahal zaie, irailaren 8ko eguerdia baino lehen. Behin betiko enkantea irailaren 12an izanen da 19:00etan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa