Eneko Saralegi leitzarra nagusitu da Nafarroako bigarren mailako aizkora txapelketaren kanporaketan

Ttipi-Ttapa 2017ko abu. 18a, 10:41
Eneko Saralegi ongi nagusitu da Arantzan jokatutako kanporaketan eta Igantziko finalean izanen da..

Irailaren 30ean Igantzin jokatuko den finalerako txartela lortu du Arantzan, Resano, Kañamares, Beintza-Labaiengo Jon Telletxea eta Beltzarekin batera

Nafarroako bigarren mailako aizkora txapelketaren kanporaketa jokatu dute abuztuaren 17an  Arantzako udal pilotalekuan. Bederatzi aizkolari ariu dira eta bortz lehenbizikoek irailaren 30ean Igantzin jokatuko den finalerako txartela eskuratu dute. Eneko Saralegi leitzarra izan da bizkorrena.

 

Bi kanaerdiko eta 60 ontzako bat moztu behar zituzten Arantzako kanporaketan.  Leitzako Eneko Saralegi leitzarra ongi nagusitu da eta 7 minutu eta 32 segundotan bukatu du lana. 40 segundoko aldea atera dio bigarrenari. Hain zuzen, Dorraoko Iban Resano izan da bigarrena (8:12), Arostegiko Oier Kañamares hirugarren (8:23), Beintza-Labaiengo Jon Telletxea laugarren (8:27) eta Etxarri Aranazko Goizeder Beltza bosgarren (8:28). Bortz aizkolari hauek jokatuko dute txapelketaren finala irailaren 30ean Igantzin. Zortzi segundo eskasengatik finaletik kanpo gelditu da seigarren izan den Zubietako Mikel Indakotxea (8:36); Aresoko Asier Pellejero izan da zazpigarren (9:04), Beintza-Labaiengo Migel Angel Etxeberria zortzigarren (9:58) eta Zubietako Patxi Mindegia bederatzigarren (11:45).

Floren Nazabal, Juan Jose Erdozia eta Oihan Larretxeak txapelketan ez aritzea erabaki dute eta ondorioz, beraiek izanen dira maila galduko dutenak.

 

Sailkapena

1. Eneko Saralegi (Leitza), 7:32.97

2. Iban Resano (Dorrao), 8:12.28

3. Oier Kañamares (Arostegi), 8:23.24

4. Jon Telletxea (Beintza Labaien), 8:27.31

5. Goizeder Belza (Etxarri Aranatz), 8:28.94

6. Mikel Indakotxea (Zubieta), 8:36.17

7. Asier Pellejero (Areso), 9:04.19

8. Miguel Angel Etxeberria (Beintza Labaien), 9:58.85

9. Patxi Mindegia (Zubieta), 11:45.03

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun