Berara joateko, Arantzako aparkalekutik 20:45ean abiatuko da lehen autobusa eta 23:00etan bigarrena; Igantziko Bi-bidetik 21:00etan eta 23:15ean pasako da eta Berako Euskaldunan utziko du jendea 21:15ean eta 23:30ean; Etxalarko Landaburuatik 21:30ean eta 23:45ean eta Lesakako suhiltaile parkean 21:45ean eta 00:00etan jendea hartu ondotik, berriz ere Euskaldunan utziko ditu, 22:00etan eta 00:15ean.
Itzulerakoak Euskaldunan hartu beharko dira 04:00etan eta 06:00etan Etxalar, Igantzi eta Arantzara joateko eta 03:30ean, 05:30ean, eta 07:15ean Lesakara joateko. Joan-etorria 5 euro kostako da.
Bestabusa parranda egiten duenak trafiko arriskuak izateko aukera gutxiagotzeko zerbitzua da, hala ere aukera hau aprobetxatu nahi dute Gizarte zerbitzutik, kontsumoaren inguruko hausnarketa eginarazteko bai alkohola, tabakoa edo bertze sustantzien inguruan: “Ongi pasa pasatu gabe! Bakoitzak bere erabakia har dezala eta bertzeena errespetatu!!”.
Bortzirietako gainontzeko herrietako bestetan eta Arantza Rock jaialdian ere izanen da Bestabusa.