Lesakako historiari buruzko liburua eman du argitara Udalak

Ttipi-Ttapa 2017ko abu. 1a, 07:36
Liburuaren azala.

‘Piedra, hierro y papel’ izenburupean, Eusko Ikaskuntza erakundearekin sinatutako hitzarmenaren baitan

Piedra, hierro y papel. Trayectoria histórica de la villa de Lesaka izenburupean, 435 orriko liburu mardula argitara eman du Lesakako Udalak, Eusko Ikaskuntzarekin sinatutako elkarlanaren baitan. 2009an sortu zen honelako lan bat egiteko ideia. Ana Zabalza Seguín-ek zuzendu du lana eta bere idatziaz gain, Jose Luis Etxegarai Andueza alkatearena, Jose Maria Esparza Urrozena eta Egoitz Telletxea Etxeparerena ere ageri dira.

 

Jose Luis Etxegarairen idatziak Lesakaren iragana eta gaur egungo egoera ditu hizpide, jatorria, eboluzio demografikoa, udal bizitza, jarduera ekonomikoa eta bestak eta zenbait ordenantzen berri ere ematen du.

Ana Zabalzak Lesaka Aro modernoan du hizpide eta 1607ko lesakarren bizimodua, Lesakak Nafarroako Gorteetan zuen lekua eta Lesakan jatorria duten hiru leinu garrantzitsu, Zabaleta, Marichalar eta Barrenechetarrak aztertzen ditu.

Jose Maria Esparzak Lesakako arkitektura zikilaren ondarea, hirigintza kontuak, dorreak, etxeak eta baserriak, Minddurienea eta Zabaleta eta Lesakako Hirigintza Plana aztertzen ditu, bertzeak bertze.

Egoitz Telletxeak, azkenik, herriko monumentu erlijiosoen historia eta ondarea aztertzen ditu, San Martin de Tours eta karmeliten konbentuari aipamen berezia eginez, baina baselizei, gurutzeei eta hilerriari ere kasu eginez.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun