Haurrendako ur-terapia eta kirol egokituari buruz ikastaroak emanen dituzte Lesakan

Ttipi-Ttapa 2017ko uzt. 21a, 09:02

Nafarroako Unibertsitate Publikoaren Udako Ikastaroen baitan irailaren 1etik 4ra

Nafarroako Unibertsitate Publikoak 30. Urteurrenaren harira antolatutako udako ikastaroen baitan, haurren errehabilitazioa, ur-terapiak eta kirol egokitua izeneko ikastaroa eskainiko du irailaren 1, 2, 3 eta 4an Udal Kiroldegian. Lesakako Udalak, Guztiok elkarteak eta Udal Kiroldegiak lagundu dute antolaketan eta Nafarroako Gobernuaren laguntza izanen du. 

 

20-25 lagunendako lekua izanen da eta beraz, lehenbailehen eman behar da izena Bortzirietako Osasun zentroan edo mediku kontsultatan edo guztiokbortziriak@gmail.com helbide elektronikoan.

Irene Sanchez Sastre hidroterapia eta ur-terapiei buruz ariko da, fisioterapiaren ikuspegitik. Jose Luis Sirera kirol monitoreekin egiten diren ur-terapiei buruz ariko da eta ezintasunen bat duten haurren sarbideaz normalizatutako taldeetan. Patricia Jovellar haurren zen­tzumenen integrazioaren ikuspegirako sarbideaz ariko da eta Isabel Sanchez kirol egokituari buruz.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun