Lehenbiziko aldiz egin dute aurten lehiaketa eta harrera ona izan du eskolan. 6 eta 14 urteko neska-mutikoek egindako 26 lan aurkeztu baitira. Horien artean, Idoiarena izan da aukeratua eta bere lana programako portadan agertzeaz gain, Martikoren lotea eta 50 euro hartu ditu sari gisa. Zorionak!
Bertzalde, aurkeztutako marrazki horiek guztiak bestetan ikusteko modua izanen da: abuztuaren 14ko goizean Gorapean paratuko dituzte.
Arantzako bestak
Abuztuaren 14tik 17ra ospatuko dira Arantzako bestak eta abuztuaren 19an Arantza Rock-en edizio berri bat izanen da. Egun horiekin lotuta, Herriko Etxetik ohar bat zabaldu nahi izandu dute: bestetan Goiko Karrika noranzko bakarrantzat irekia izanen da ibilgailuentzat. Goiko Karrikatik herrira sartzeko modua izanen da baina herritik ateratzeko Goienburutik barna joan beharko da.