Loro Pikabea, Xabier Saralegi eta Xabier Zubietaren omenez lore sortak eskaini zituzten Bujarueloko muinoan eta Taillon tontorrean
Berako Agerra Mendi Taldeak eta Manttalek bi urtetik behin antolatzen duten Taillonera irteeran 90 lagunek (75 heldu eta 15 haur) parte hartu zuten uztailaren 15ean.
Bi eskurtsio egin ziren; 37 pertsona Taillonera (3.144 metro) abiatu ziren Bujaruelotik eta gainontzekoek Gavarnie herritik Bujaruelorako ibilbidea egin zuten eguraldia lagun izan zen egun paregabean. Goizean zehar lore sortak eskaini ziren Loro Pikabea, Xabier Saralegi eta Xabier Zubietaren omenez Bujarueloko muinoan eta Taillon tontorrean. Eskurtsioen ondotik Col de Tentesen elkartu ziren bazkari eder batez gozatzeko.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.