Urtero bezala hemen dira AEK-ko barnetegiak. Udako bi hilabeteetan izanen dira eta tarte horretan, Aterpean egonaldia, ekintzak, eskolan klaseak... Azken finean herriko eta inguruko hainbat bazterretan euskaraz bizitzeko egonaldiak izanen dira barnetegiko lagunentzat.
Hurrengo hiru hamabortzaldietan, abuztuaren akabera arte, euskalduntze barnetegiak izanen dira. Barnetegi hauetan ere denetarako astia izaten da, egun osoa euskaraz biziz: eskolarako, txangoetarako, ekintzetarako, lagun berriak egiteko... Bertzetik, uztailaren 29an Debatik bizikletaz abiatu eta Etxarri Aranazen abuztuaren 12an helmuga izanen duen barnetegi ibiltariak abuztuaren 9an eta 10ean herrian geldialdia eginen du. Herriz herri euskaraz ibiliko dira, euskara lantzeko aukera ederra baita.