Duela 20 bat urte egin zuten ikasleek eta orain azulejo berriak paratu dituzte
Berako Kultur Etxeko kanpoko aldean dagoen armarria zaharberritu dute Toki Ona institutuko ikasleek. Armarri hau Toki Ona Institutuko ikasleek egindakoa zen, duela hogei bat urte, bainan geroztik hondatua eta azulejo batzuk galdurik zituen.
Falta ziren azulejoak marraztu, pintatu, egosi, eta berriz ere Udalari eskeini dizkio institutuak eta udal langileek paratu dituzte. Ekaina bukaeraz geroztik zaharberrituta ageri zaigu armarria, nahiz eta azulejo batzuk oker paratu diren, eta efektu arraro xamarra egiten duen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.