Tartean daude Napoleones, Zako Zahar Plus Ultra, Mozkorrenborda, Beti Gazteren himnoa, Iria, Lesakako peñak, Txakaingo jeitsieraren zortzikoa…. Abesbatzaren, eskola eta ikastolako ikasleen edo Beti Gazteko jokalarien kolaborazioa izan dute grabatzerakoan, bertzeak bertze.
Disko hori 12 eurotan jarriko dute salgai eta aurkezpena, Sanferminen aitzineko ohiko emanaldian eginen du musika bandak. Hain zuzen, ekainaren 30ean, ortziralean 22:00etan frontoian eskainiko du kontzertua, doan. Hasiera batean, Onin errekaren gainean eskaintzeko asmoa zuten, baina eguraldi iragarpenak kontan hartuz, frontoian eskaintzea erabaki dute.