Tartean daude Napoleones, Zako Zahar Plus Ultra, Mozkorrenborda, Beti Gazteren himnoa, Iria, Lesakako peñak, Txakaingo jeitsieraren zortzikoa…. Abesbatzaren, eskola eta ikastolako ikasleen edo Beti Gazteko jokalarien kolaborazioa izan dute grabatzerakoan, bertzeak bertze.
Disko hori 12 eurotan jarriko dute salgai eta aurkezpena, Sanferminen aitzineko ohiko emanaldian eginen du Lesakako musika bandak. Hain zuzen, ekainaren 30ean, ortziralean 22:00etan Onin zubiaren gainean eskainiko du kontzertua, doan. Euria eginen balu, frontoian eginen litzateke.