Arantzako eskolan ari diren ikasleek parte hartzen ahal izanen dute, 6 urtetik 14 urtera bitartekoek eta bakoitzak nahi adina lan aurkezten ahal izanen ditu. Kolorezkoak izan behar dute eta paperean aurkeztuko dira, kartulinan edo paper lodian. Horrez gain, jatorrizkoak eta argitaratu gabeak izan beharko dute.
Nahitaez testu hau agertu beharko da: Arantzako bestak 2017. Abuztuaren 14tik 17ra. Gaia, estiloa eta teknika libreak izanen dira, betiere, Arantzako besta giroa erakusten badute.
Lanak sobre batean sartuak Herriko Etxean aurkeztu beharko dira, uztailaren 3ko 13:00 baino lehen. Sobre honek eta lanak izenburu bat izanen dute, eta sobrean adierazi beharko da izen hori. Sobre horren barrenean, bertze sobre ttiki bat sartu beharko da, itxia, eta hor lana egin duen haurraren izen-abizenak, helbidea eta telefonoa idatzi beharko dira.
Kultura Batzordeko kideek osatutako epaimahaiak aukeratuko du lan saritua eta programako azalean agertzeaz gain, saria izanen du. Aurkeztutako lanak Udalaren esku geldituko dira eta horiekin erakusketa eginen da bestetan.