Ordutegiari dagokionez, asteartetik igandera, 10:00etatik 14:00etara eta 15:00etatik 18:00etara dago ikusgai. Igandetan, goizez bakarrik irekia egonen da eta astelehenetan itxia.
Teknika ezberdinak ingurugiroari buruzko hausnarketa egiteko
Bidasoa, begirada lokatzetik, Nerea Fagoaga, Andrea Gouraud eta Mikel Telletxea artista beratarren lanek osaturiko erakusketa da. Eskultura, collage digitala, pintura edo bideoa bezalako tekniken bidez, beraien ingurugiroari buruzko hausnarketa egiten dute.
Tradizionalki egin diren errepresentazio bukoliko eta idilikoez aldendu nahian, erakusten diren artelanek Bidasoaldeko errealitate ezberdinei buruz dihardute: baserriari loturiko munduaren gainbehera, lan kondizioen eraldatzea, zonaldeko estereotipo eta klixeen indarra, bizimodu errepikakorrak, inguruen kutsadura etab.
