Horrela, Jesus Mari Sein igantziarra eta bere Azken Saskiak munduan zehar bidaiatzen jarraitzen du, saskigintza, naturarekin dugun harremana eta gure herriaren jakituria eta kultura erakutsiz.
Azken saskia
AZKEN SASKIAn, Jesus Mari Seinen historia kontatzen da. Jesus Mari Sein Igantziko azken saskigilea izateaz gain, gaztainarekin saskiak lehengo eran egiten dituen azken nafarra da. Ikus-entzunezko honetan bere ofizioa eta bizitzaren errepaso bat egiten da, eta bere azken saskia egiten ikusten da, ogibide honen desagerpenaren arrazoien inguruko hausnarketa bultzatuz: «Gaur egungo gizarteak, kontsumoohiturek eta industrializazio mailak talka egiten dute Jesus Mari bezalako artisauekin. Gutti dira, apenas gelditzen dira gure inguruan, eta haiek naturarekin gordetako harremana, mundua ulertu eta sentitzeko modua desagertuz doa».