Izan ere, larunbat goizean erremontean ikasteko tailer bat eta profesionalen arteko partida bat iragarria zegoen udal pilotalekuan. Rekondo erremontezalea da eta Koteto Ezkurra du lagun handia eta idoloa. Ezkurra eta Barrenetxea IV, Zeberio eta Ionen kontrako partidan gorriak 23-18 irabazten ari zirela sartu zen udal musika banda pilotalekuan eta Rekondoren harridurarako, kantxa erdira deitu zuen Mikel Iriarte zuzendariak. Bertan, aurreskua dantzatu zioten, Koteto Ezkurrak berak sinatutako erremontea eskaini zion eta klarinete dotore bat oparitu zioten berekin batera musika-tresna hori jotzen dutenek eta musika bandarekin batera kalejiran atera zen Rekondo bera, klarinete hori estreinatuz. Baina plazara ailegatutakoan, Rekondoren etxe atarian kontzertu bat eskaini zuten taldekideek, Rekondoren gustukoak ziren garai bateko piezekin.
Behin kontzertua bukatuta, Mikel Iriarte zuzendariak eta Rekondok utzi ondotik bandak gelditzen den taldekide zaharrenak, Juanito Ordoki ‘Gaxtelu’k, bertze oroigarri dotore bat eman zioten Rekondor eta lore-xorta Mari Carmen emazteari. Alaitz Rekondo alaba ere bertso kantari aritu zitzaion etxeko balkoitik. Ekitaldia bukatzeko, erremontelariek, musika bandak eta Rekondok eta bere familiak Kasinon bazkaldu zuten.
Tomas Rekondok klarinetea utzi du, bai, baina biharamun goizean txistulari taldearekin batera zintzo bete zuen Karrikabuelta.