Nafarroa eta Pirinio Atlantikoko 14 urtez beheitiko futbol selekzioek partida jokatuko dute ekainaren 10ean Beran

Ttipi-Ttapa 2017ko eka. 8a, 13:08
Gure Txokoa eta Beti Gazteko beteranoek jokatuko dute larunbat goizean. Argazkian, 2008ko partida batean

Egun berean, Beti Gazte eta Gure Txokoako beteranoak ere ariko dira, Eman Bortzekoa ekimenaren baitan

Berako Matzada futbol zelaian agun arteko partidua jokatuko dute Nafarroako eta Pirinio Atlantikoko 14 urtez beheitiko mutilen selekzioek ekainaren 10ean, larunbat arratsaldeko 4etan.

Joan den maiatzean Baionan bi federazioek egindako bileran adostutako elkarlanerako akordioaren barnean burutuko diren partidu saileko lehenbizikoa izanen da Berakoa. Elkarlanerako akordio hau bereziki, selekzio ezberdinen arteko partiduak antolatzera eta aukeratzaileen artean esperientziak, ezagutzak eta metodologiak elkarbanatzera bideratua dago.

 

Bertze aldetik, egun berean, goizeko 11etan Gure Txokoa eta Beti Gazteko beteranoek (edo jokalari ohiek), Matzadan, Eman Bortzekoa ekimenak antoatutako ekitaldien barnean kokatutako lagun arteko partidua jokatuko dute.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun