Autobusa ekainaren 15ean, ortzegunean 07:30ean abiatuko da eta Senda Viva parkean 10:00etatik 13:30 bitarte ibiliko dira. Gidari bat izanen dute lagun eta azken orduan, Europan onenetakoa den harraparien erakustaldia ikusiko dute.
Bazkaria Castejongo Hotel Bed4an eginen dute 14:30 aldera, honako menu honekin: piper gorriak baratxuriekin, amonaren kroketak, patatak errioxar erara, aretxea saltsan eta arrozesne karamelizatua, dena ura, ardoa, kafea eta txanpainarekin bustia. Bazkal ondotik dantza izanen dute jatetxean bertan eta 18:30 aldera bueltatuko da autobusa Lesakara.
Toka, igel eta pirlen txapelketa ekainaren 10ean
Bertze aldetik, San Fermin elkarteak toka, igel eta pirlen txapelketak ere antolatu ditu ekainaren 10ean, 17:00etatik aitzinera.