Beti Gazte taldearekin, 300 kilokoan Beñardo Iantzi, Iñigo Altzugarai, Joxe Angel Mitxelena eta Eneko Saldias aritu ziren tiran, Mikel Apeztegia entrenatzailea eta Karmelo Mitxelena eta Julen Palenzuela laguntzaile zutela. Beti Gazte eta Berriozarren gibeletik, Txantrea, Kaskallueta eta Antsoain sailkatu ziren.
Emakumezkoetan, 235 kiloko kategorian, Beti Gazteko neskak laugarren izan ziren. Hauek talde berria eta gaztea dute, lehen aldiz lehian aritu diren neskek osatua: Aitziber Goienetxe, Oiartzungo Udane Loidi, Kristiñe Txoperena eta Ainhoa Ubiria izan dira tiralariak. Entrenatzailea Karmele Pikabea izan zuten eta laguntzailea Oihana Mindegia. Txantrea izan zen txapeldun, Kaskallueta bigarren, Berriozar hirugarren, Beti Gazte laugarren eta Antsoain bosgarren.
Kadete mailan, Baztango Basaburua suertatu da txapeldun.