erran.eus

Baztan-Bidasoaldeko XXX. Bertso-paper lehiaketa abian da

  Euskara  Bortziriak  Bera

Lanak maiatzaren 19a baino lehen aurkeztu behar dira Berako kultur etxean 

Berako kultur Batzordeak eta Bortzirietako Bertso eskolak, Euskara Mankomunitatearen laguntzarekin, Baztan-Bidasoaldeko 30. Bertsopaper lehiaketa antolatu dute, Baztan-Bidasoa inguruan bizi direnentzat. Lanak Berako kultur etxean aurkeztu behar dira, maiatzaren 19a baino lehen, gisa hauetako lehiaketetan ohikoa den sistema erabiliz. 

Baztan-Bidasoaldeko XXX. Bertso-paper lehiaketa abian da
Joan den urtean Julen Zelaietak irabazi zuen sari nagusia. | Ikusi handiago | Argazki originala

 

Euskarazko, jatorrizko, argitaratu gabeko eta bertze lehiaketaren batean saritu ez diren bertsoak onartuko dira bakarrik eta norberak aukeratuko du gaia, doinua eta neurria.

Ohi bezala, parte hartzaileak lau mailatan banatu dituzte: A maila: 10 urte artekoak. Bertso bat edo bi kopla osatu beharko dituzte. Saria: trofeoa eta 50 euro (lehenengoak) eta trofeoa eta 30 euro (bigarrenak). B maila: (11-14 urte) Bi bertso edo lau kopla egin behar dituzte. Saria: trofeoa eta 100 euro irabazleak eta trofeoa eta 70 euro bigarrenak. C maila: (15-18 urte) lau bertso osatu beharko dituzte guttienez. Saria: trofeoa eta 150 euro lehenengoak eta trofeoa eta 120 euro bigarrenak. D maila: 18 urtetik goti. Gutxienez 8 bertso egin beharko dituzte. Saria: trofeoa eta 200 euro garaileak eta 150 euro bigarrenak.

 

Lanak helbide honetara bidali behar dira:

Berako Kultur Etxea

Baztan-Bidasoako XXX. Bertsopaper lehiaketa

Eztegara pasealekua, 11

31780 BERA (Nafarroa)

Bortzirietako bertso eskolak izendatuko du epaimahaia eta sariak hutsik utz ditzake, baita sari bereziak eman ere. Ekainaren 2an, ortziralarekin izanen da sari banaketa Berako Kultur Etxean 18:00etan.

2017/04/07 - 2017/05/19

Berako Kultur Etxea | Bera

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa