Turismo langilea behar du Etxalarko Udalak Aste Santuan eta udan lan egiteko

Ttipi-Ttapa 2017ko martxoaren 8a
Deskargatu Info Ahotsak :
Español English Français Català Galego

Turismo langileak bisita gidatuak ere eskainiko ditu.

Interesatuek curriculuma aurkeztu beharko dute martxoaren 10era bitarte

Aste Santuan eta udako sasoian turismo bulegoan lan egiteko persona baten bila dabil Etxalarko udala. Bere eginkizun nagusia, hurbiltzen diren bisitariei herriko eta inguruko azalpenak ematea eta herrian bisita gidatuak egitea izanen da. Interesatuek curriculuma aurkeztu beharko dute udaletxean martxoaren 10a baino lehen. 

 

Hauek izanen dira egunak eta ordutegiak: Aste Santua (apirilak 13, 14, 15, 16 eta 17). 11:00etatik 13:00­e­tara eta 17:00etatik 19:00etara. Udan, berriz, (uztailaren 1etik abuztuaren 31ra) astear­tetik ortziralera 17:00­etatik 19:00etara. Larun­bat eta igandetan 10:30­etik 13:00etara.

Bulegoko lanetik kanpo, ordu bateko bisita gidatuak egin behar dira, Aste Santuan egunero 13:00etan eta udan astetartez 19:00etan eta asteburuetan 13:00etan (2 euro/pertsonako eta irabaziak turismo langilearentzat izanen dira).

Gizartea Bortziriak Etxalar

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun