Han mahai batzuk izanen dira, ekartzen diren haziak paratzeko, eta noski, han direnak nahi dituenak hartzeko. Mahai horien inguruan, hazi bakoitzari buruzko ezagutzak elkarbanatuko dituzte: Nondik lortuak diren, noiztik egiten dituzten, horietatik sortzen diren landareak nolakoak diren, zein berezitasun dituzten... Hamaiketakoa eskainiko dute. Eguerdi aldera Solasaldi Irekia ere eginen dute. Bakoitzak zer ikasi edo zeri buruz mintzatu nahi duen erran ahal izanen du, eta gai horien arabera taldetan bildu eta arituko dira.
Besta borobiltzeko, eta segitu nahi dutenentzat, bazkaria eginen dute Etxalarko Txokoan.
Astebete beranduago, martxoaren 11n Lekarozen ere eginen dute Hazien Eguna, Hazitik Hozie eta Legate taldeen eskutik.