Donato Larretxea eta Jon Rekondo, Otaegi eta Arria V.aren kontra ariko dira larunbat arratsaldeko 7etatik aitzinera
Urrezko Binakako Aizkolari Txapelketa Eusko Label Sari Nagusiko lehen finalerdia otsailaren 11n, larunbat arratsaldeko 7etatik aitzinera jokatuko dute Arantzako Udal pilotalekuan. Herriko Donato Larretxeak eta Leitzako Jon Rekondok, Joseba Otaegi eta Xabier Orbegozo Arria V. gipuzkoarrak izanen dituzte arerio, martxoko lehen igandean Azpeitian jokatuko den finalerako lehen txartelaren bila.
Bi bikoteek bigarren postua eskuratu zuten beraien multzoetan lehen fasean. Finalerdietako lana ere lehen fasekoaren berdina izanen dute, hau da, bortz modalitate ezberdinetan banatuta, hamabi enbor moztea.
Arantzako saioan, promozio mailako harrijasotze txapelketan ere hariko dira Aizarnazabalgo Xabier Peñagarikano eta Aizarnako Jagoba Otaegi.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.