Euskal Herriko sokatira txapelketako 640 kiloko finalean izanen da Beti Gazte

Ttipi-Ttapa 2017ko urtarrilaren 31
Deskargatu Info Ahotsak :
Español English Français Català Galego

Larunbatean Erandion jokatuko du finala Beti Gazteko sokatira taldeak.

Idiazabalgo bigarren jardunaldian laugarren izan zen eta otsailaren 4an Erandion jokatuko dute finala

Urtarrilaren 28an jokatu zen Idiazabalen (Gipuzkoa) Euskal Herriko goma gaineko sokatira txapelketako 640 kiloko bigarren jardunaldia. Hameka talde aritu ziren lehian (Asturiasko 6 Conceyosekoak ez ziren etorri) eta Lesakako Beti Gazte laugarren izan zen eguneko sailkapenean. Lehen jardunaldian bosgarren izan zela kontuan hartuz, finalerako txartela lortu zuten lesakarrek.

 

Bi multzotan banatuak aritu ziren hameka taldeak eta lesakarrak B multzoan bigarren izan ziren, Bizkaiako Sokarriren gibeletik, Lapurdiko Zuraide, Bizkaiako Abadiño eta Murueta B eta Gipuzkoako . Honela, A multzoko bigarrenaren kontrako tiraldia egin zuten, Ibarraren kontrakoa, eguneko sailkapenaren hirugarren postuaren bila eta gipuzkoarrak nagusitu ziren.

 

Bigarren jardunaldiko sailkapena

Lehena

SOKARRI

11 puntu

2.

MURUETA “A”

10 puntu

3.

IBARRA

9 puntu

4.

BETI-GAZTE

8 puntu

5.

ZURAIDE

7 puntu

6.

GAZTEDI

6 puntu

7.

ÑAPURRAK

5 puntu

8.

ABADIÑO

4 puntu

9.

GABADI

3 puntu

10.

MURUETA “B”

2 puntu

11.

MUTRIKU

1 puntu

 

640 kiloko finalerako sei lehenbiziko taldeak sailkatu zira, hau da, Bizkaiako Sokarri, Murueta A eta Gaztedi, Gipuzkoako Ibarra, Lapurdiko Zuraide eta Lesakako Beti Gazte. Otsailaren 4an, larunbatean 17:00etan jokatuko da finala Erandioko Altzaga kiroldeian.

 

Emakumezkoa 405 kilo:

Emakumezkoen 405 kiloko kategorian, lehen jardunaldian bezala, Gaztedi nagusitu zenm Ibarra eta Txantrearen aitzinetik.

 

Kirola Bortziriak Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun