Patxi Vila txirrindulari profesional izandakoa eta urtarrilaren 1etik aitzin Bora-Hansgrohe taldeko zuzendarietako bat izanen da, tartean Peter Sagan eta Rafal Majka txirrindularien prestatzailea, hizlari izanen da Gure Txokoa elkarteak antolatutako solasaldian.
Erran bezala, Urtebeteko bizipenak izenburupean, Tinkoff taldean eman duen azken denboraldiaren errepasoa eginen du Patxik.
Hitzaldi-solasaldia izanen da, hau da, entzuleek galdetutakoak erantzunen ditu Patxik. Beren kezkak argitzen saiatuko da, beti ere, bere esperientzian oinarrituta, noski.
Hitzaldia elebitan izanen da, hau da, euskaraz eta gazteleraz.