Azaroaren 22an eta 29an autodefentsa ikastaroa antolatu dute Toki Ona institutuan, DBHko laugarren mailako nerabeei zuzendua. Azaroaren 23an, asteazkenean 18:00etan filma eskainiko dute Etxalarko Kultur Etxean.
Azaroaren 25ekoak
Halere, ekitaldi gehienak, azaroaren 25ean, ortziralean eginen dituzte.
Berako Toki Ona institutuan elkarretaratzea eginen dute Toki Ona Institutuan 10:30etik 11:00 bitarte. Bertan, Machote kontuz ibili dantzatuko dute. Arratsaldeko 5:30ean Sare sozialak, nerabeak, amodioa, kontrola… gurasook zer jakin behar dugu? hitzaldia izanen da Beralandetan eta 19:00etan elkarretaratzea Mukixu Zubian, Goldatz talde feministak antolatua.
Arantzan, goizeko 11etan elkarretaratzea eginen dute plazan. Eta arratsaldean, 19:30ean, Esther Carrizo Berako Uhartean eskolako clown antzezlearen eskutik, Susanaren Iraultza izeneko ikuskizuna izanen da, eskolako gimnasioan. Emakume eta gizonen artean dagoen desoreka aztertuta, Susana pailazoak bere bizipenak gurekin partekatuko ditu ekintza, emozio, kantu… eta halako adierazpenen bitartez.
Igantzin, filma eta solasaldia eskainiko dute ortziralean 19:30ean Udaletxean, IPESeko Yolanda Yañez psikologoarekin.