Oinarriak
Goitibera bakoitzeko guttienez bi pertsona izan beharko dira eta partehartzaile guztiek beharrezkoa izanen dute kaskoa eta gorputzeko babesak. Goitibera guztiek balaztak edo frenoak izatea beharrezkoa izanen da. Motorrez baliatzen den goitibera, zuzenean lehiaketatik kanpo geldituko da. 16 urtez beheitikoek, parte hartu ahal izateko, izen-emate prozesuan gurasoen baimena-orria sinatuta eraman beharko dute. Izan ere, bi mailatan banatuko dira partehartzaileak: 16 urtez beheitikoak eta maila absolutoa, 16 urte eta gehiagokoak. Maila bakoitzeko txapeldunentzako txapela izanen dute eta sari berezia, landetxe bateko egonaldia, goitibeheren originaltasuna kontuan hartuz.