Nafarroako Dantzarien Biltzarrak deitu du eta Iruñean eta berriz ere Beran biltzekoak dira
Nafarroako Dantzarien Biltzarrak, Nafarroako Gobernuaren, Iruñeko Udalaren eta Berako Gure Txokoa elkartearen laguntzaz Dantzari buruz solas dezagun kafe tertuliak antolatu ditu. Lehenbizikoa urriaren 8an eginen dute Gure Txokoa elkartearen egoitzan, Iamotenean. Larunbat eguerdiko 12:00etan Dantza eta generoa izanen dute hizpide eta 16:00etan Dantza tradizioala, nora goaz? galderari erantzuten saiatuko dira.
Urriaren 22an, Iruñeko Euskokultur mintegian, Dantza, tradizioa edo modernitatea? eta Dantza federazio baten etorkizuneko erronkak izanen dituzte solasgai.
Urriaren 29an, berriz ere Berako Gure Txokoa elkartearen egoitzan izanen dira hitzaldiak. 12:00etan Dantza eta erlijioa eta 16:00etan, Musika zuzenean edo grabatua?.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
