Zehazki, sesta eman ondotik, 12. zenbakiko postuaren lizitazio-prezioa 2.015 eurotan gelditua zen eta 21. postuarena 2.595 eurotan. Hamabigarren postu horrengatik izan zen lehiarik handiena, 100 tanto eskaini baitziren astearteko enkantean eta azkenean 3.015 eurotan eman zen. Hogeita batgarren postuarengatik 10 tanto eskaini ziren eta 2.695 eurotan eman da.
Irailaren 3an hutsean gelditutako sei postuak ere sartu ziren bigarren enkante honetan ere. 13. Postuaren hasierako prezioa 1.425 eurokoa zen eta 54 tanto eskaini zirenez, 1.965 eurotan eman da azkenean; 15. eta 19. postuen hasierako prezioa 900 eurokoa zen eta lehenbizikoa prezio berean eman zen eta bigarrenarengatik 60 tanto eskaini ziren, 1.500 euro eskuratuz denera; 16, 17 eta 18. Postuen hasierako prezioa 700 euro bertzerik ez bazen ere, bigarren enkantean ere hutsean gelditu ziren.