Lehenbizikoan hutsik gelditutako bi sei postuak ere bigarren enkantean sartuko dira, asteartean 19:00etan
Irailaren 3an, larunbat eguerdian egin zen Etxalarko Iarmendi inguruan dauden Usategietako postuen lehen enkantea. Ehiztari gutti bildu ziren eta guttik hobetu zituzten hasierako prezioak. Horren erakusgarri 21 postuetatik 10 hasierako prezioan eman ziren, inolako igoerarik gabe, eta bertze sei hutsik gelditu ziren. Irailaren 9an, ortziral eguerdian bukatu da behin-behineko esleipen horiei sesta emateko aukera (prezioaren seiren bat igo behar izan dute guttienez) eta bi posturi bakarrik eman diete.
Zehazki, sesta eman ondotik, 12. zenbakiko postuaren lizitazio-prezioa 2.015 eurotan gelditu da eta 21. postuarena 2.595 eurotan.
Honela, irailaren 13an, heldu den astearte arratsaldeko 7etan izanen da berriz ere sesta emandako bi postu horiengatik enkantean lehiatzeko aukera eta hutsean gelditutako postuak ere sartuko dira bigarren enkante honetan ere. 13. Postuaren hasierako prezioa 1.425 eurokoa da, 15 eta 19. Postuena 900 euro eta 16, 17 eta 18. Postuena 700 euro.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.