Animal Blues taldeak Berako Kultur Etxean eskainiko du emanaldia azkenean

Ttipi-Ttapa 2016ko uztailaren 22a
Deskargatu Info Ahotsak :
Español English Français Català Galego

Bere lehen diskaren aurkezpena egiten ari da Animal Blues taldea.

‘Kultur’ programaren baitan, ortziral arratseko 9etan 

Eguraldi-iragarpenak direla eta, Animal Blues talde nafarrak uztailaren 22an, ortziralean 21:00etan Berako Herriko Etxeko Plazan eskaintzekoa zuen kontzertua Berako Kultur Etxean eskainiko du. Emanaldi honekin loturik, Lesakako Burdinaren Museora bisita gidatua eskainiko dute 12:00etan. Gehienez ere 10 bisitari onartuko dituzte eta ordubeteko bisita izanen da (2 euro). Erreserbak Lesakako Udaleko Kultura eta Turismo Bulegoan egin daiteke (kultura@lesaka.eus edo 948 638007).

 

 

Nafarroako Gobernuko Kultura Zuzendaritza Nagusiak antolatutako Kultur programak ekainaren 17tik irailaren 10era musika, dantza eta arteko 41 emanaldi prestatu ditu. Ortzegun, or­tzirale eta larunbat guztietan eginen dira Nafarroako 39 udalerri eta pasaia- edo ondare-mailako toki interesgarritan. 

 

Animal Blues

Animal Blues musika beltza jotzen duen Nafarroako taldea da, bluesa erreferentzia nagusi gisa duena. Taldekideak ondoko hauek dira: Jaime Alvarellos Correcher (ahotsa eta gitarra), Alejandro Mingot (gitarra eta lap steela), Kike Arza (baxua) eta Dani Lizarraga (bateria). Guztiek badute eskarmentua jazz, rock eta soul musikari lanetan. Egun euren lehenengo lan diskografikoaren aurkezpenaren itzulia egiten ari dira: Animal Blues.

Kultura Bortziriak Bera

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun