Lanak uda honetan hasiko dituzte eta pixkanaka eginen dituzte. Patioan, orain frontoi ttikia dagoen tokian, gela berria eginen dute eta oraingo patioan idorpe bat eginen dute frontoia harat mugituz. Lan hauek %100ean Nafarroako Gobernuak ordainduko ditu.
Juanita Larralderen agurra
41 urte irakaskuntzan… Bada zerbait. Herriko haur aunitzen lehenbiziko andereñoa izan da Petriseneko Juanita Larralde Ibarrola. 1975ean hasi zen irakaskuntzan eta ikasturte honetan erretiroa hartu du. Aunitzentzat oraindik andereño da, lehenbiziko andereño. Hasierako urteak berekin egin dituzte hainbat haurrek, ikastolan hasieran eta eskolan gero.
Omenaldi hunkigarria jaso zuen Juanitak ekainaren 9an. Eskolako gimnasioan bildu ziren denak, bere etxekoak barne. Zapela, lore sorta eta argazki bilduma oparitu zizkioten. Bertso ederrak kantatu ondotik, Aitziber eta Gaizka, bere alabak eta semeak panderoa eta akordeoia hartu eta guztia girotu zuten.
Ikasturte akaberarekin batera, hainbat ekimen ere egin dituzte eskolan.