Erronka hau lesakar guziei luzatu nahi diete eta nahi bezala egiten ahal dute: banaka, kuadrilaka, taldeka… elkarte, kirol talde, musika talde, kultur talde, ikastetxe, lantoki, komertzio, ikasle, irakasle…. “Elkartu, zuen burua urez/euskaraz busti; eta kanpainaren leloa aipatuz bideoan grabatu”.
Adibideak:
- Euskarak tzipa egina(k) (tzipinak)
- Ni ere euskarak tzipa egina!
- Gu ere euskarak tzipa eginak!
- Lesakako Euskara Batzordea ere euskarak tzipa egina!
…
Bideoa helbide honetara igorri behar da:
lesakakoeuskarabatzordea@gmail.com
Facebook edo twiterrera ere igortzen ahal da.
Lesakako euskara batzordeko facebook orrian zintzilikatuz edota @lesakaeusbatz twitter kontura bidaliz.
San Juan bezpera
Erronka hau, San Juan bezperako ohiko ospakizunarekin lotu nahi du Euskara Batzordeak. Ekainaren 23an, "San Juan Putzua" irudikatuz, aspaldi Lesakan egiten zena egun horretan, bustitze erraldoi bat eginen dute.
Hau eta gero, ekitaldia izanen da, sua piztuko da, afari herrikoi autogestionatua eta dantzaldia plazan. Aurten, sua piztea, Bortzirietako Bertso Eskolaren esku utzi dute, ikasturte honetan sortu zen 25. urteurrena da eta. Beraiek idatzi eta irakurriko dute aurtengo manifestua.