Margolanak entregatu ondotik, beraien margolanak ikusteko aukera izan zen Alondegiko arkupetan. Arratsaldean banatu zituzten sariak Mari Jose Capdequi, Lesakako Zerbitzuen Elkarteko ordezkariak eta Jose Luis Sunsundegi, Beti Gazteko presidenteak.
Umeen artean, Lehen Hezkuntzako lehen eta bigarren mailako ikasleen artean, lehen saria Ainize Martinez Olazabal izan zen eta bigarrena Amaiur Martinez Olazabal ahizpa bixkia. LHko 3. eta 4. mailako ikasleen artean, Nahia Pumar Iturriotzek eraman zuen lehen saria eta Kattalin Txoperena Lacarrek bigarrena. Lexuri Arotzena Portuk epaimahaiaren aipamen berezia jaso zuen. LHko bosgarren eta seigarren mailakoen artean, lehen saria Gazika Yustek eskuratu zuen eta bigarrena Sara Txoperena Lacarrek.
Helduen artean, berriz, 500 euroko lehen saria Ermuako (Bizkaia) Jon Idigoras Mugertzak eskuratu zuen eta 300 euroko bigarren saria Castro Urdialeseko (Kantabria) Alipio Ruano Gonzalezek. Herriko margolariek egindako margolan onenari emandako 150 euroko saria, Alejandro Ordokik eskuratu zuen.