Lesakako Zerbitzuen Elkarteko kide batek, udaleko turismo teknikariak eta lorezaintza sektoreko profesional batek osatuko dute epaimahaia eta ekainean eginen dituen ikustaldietan kontuan hartuko dute balkoiaren eta aitzinaldearen zainketa eta mantentze egoera, apainduren originaltasuna, konposizio floristikoa eta antolamendua, loreen barietate, kalitata eta iraunkortasuna eta espezieen eta elementu osagarrien (jardinerak, zintzilikariak…) eraberritzea.
Epaimahaikideek eta Lesakako Zerbitzuen Elkarteko kideek ezin izanen dute lehiaketan parte hartu. Epaimahaiak ekainaren 23an argitaratuko du lehiaketaren emaitza Udalaren iragarki tauletan, prentsan, elkartearen Facebook orrian eta udalaren web orrian (www.lesaka.eus).