Ohi den bezala, kanpotik etorritako taldeak kalejiran ibili ziren herriko karriketan barna, bakoitzak bere ibilbidea eginez eta leku jakinetan saioak eskainiz.. 12:15ean Zubigainekoa dantzatu zuten herriko dantzari ttikiek, normalean Sanferminetan bakarrik ikus daitekeen dantza agertzeko, bai bisitariei, baita herritarrei ere.
Ondotik plazan bilduko zire lau taldeak saioa eskaintzeko. Denak elkarrekin kalejiran bukatu zuten saioa. Kanpoko dantzariak herrikoen etxe eta elkarteetara zoan ziren bazkaltzera eta arduradun eta musikariek ere elkarrekin bazkaldu zuten. Alde horretatik, Tantirumairu euskal folklore taldeak eskerrak eman nahi izan dizkie beraien etxeetan kanpotik etorritako haurrak bilduz eta zainduz lagundu duten gurasoei.
Bazkalondoanm plazan Porru DJ-a haurrentzako erromeria izan zen eta dantzan eta kantuan gustura ibili ziren neska-mutikoak.