Igande goizeko 9etan Mukixu zubitik aterako dira; 13:00etan elkarretaratzea leku berean eta 14:00etan bazkaria Zalainen (Prezioa: 20 euro). Izen emateko azken eguna martxoaren 10a izanen da. Horretarako, 948 635036 telefonora deitu behar da. Berako Udalak, Toki Ona kiroldegiko dutxak erabiltzeko aukera eskainiko die partehartzaileei, 13:00etatik 14.00etara.
Goldatz Emakume Feminista Taldearen Aste Morea
Bertzetik, Goldatz Berako Emakume Feministak Taldeak antolatu duen Aste Morea programaren baitan, martxoaren 11n, Susanaren iraultza antzezlana ikusgai izanen da ortziralean 20:30ean Kataku ostatuan. Martxoaren 12an, larunbatean 14:00etan bertso bazkaria izanen da Zalain jatetxean Onintza Enbeita eta Nerea Elustondorekin. Ondotik, triki-poteoa herriko karriketan. Gauerditik aitzinera, DJ Rakaraka eta DJ Maikarmens Kataku ostatuan.