Gaur egun 350 langile dituen Zalain Transformados lanteg iko batzordeak jakinarai duenez, “2014ko martxoan Zalaingo zuzendaritzak diruzaintza tentsioak zirela eta lehengaiaz hornitzeko arazoak zeudela jakinarazi zigun, epe motzera arazoa konponduko zela erraten zigun bitartean”. Aurtengo urtarrilean Zalaingo zzuendaritzak jakinarazi zien 15. paga ordaintzeko diru nahikorik ez zela egnen. Hori dela eta, urtarrilaren 11an, langileen batzar orokorrean bilduta, 4 orduko lanuztea deitu zuten urtarrilaren 18rako, baldin eta Zalain Transformadosek ez bazuen zor zuen dirua ordaintzen, hau da, aparteko ordain-sari baten %75 eta bertzearen osotasuna. Zalaingo zuzendaritzak bertze pagaren %25a ordaindu zuen urtarrilaren 22an.
Gaur egun oraindik, ziurgabetasuna nagusi da Zalainen eta Zalain Transformadosemo lengileek ez dute zor zaien dirurik kobratu eta hori dela eta mobilizazioekin segitzen dute.
Egoera honi, Europako Konpetentzia Batzordearen ebazpena gehitu behar zaio, non Condesaren oinarrian den Bagoetak ArcelorMittal eta bankuei bere lantegi batzuk saltzeari oniritzia ematen zaion. Asturias, Kastellon eta Gasteizko inoxidable salmenta akordiotik kanpora gelditu dira.