Laugarren postua Abadiñok eskuratu zuen, bosgarrena Sokarri eta seigarrena Ibarra.
Beti Gazte taldeak, Pascual Taberna entrenatzailearen erranetara, beteranoak eta gazteak nahasten dituen honako zortzikotea jarri zuen goma gainean Ibarran: Markel Suarez, Carmelo Mitxelena, Julen Palenzuela, Lander Landiribar, Beñardo Iantzi, Juanma Irigoien, Beñat Oronoz eta Gerardo Telletxea.
Emakumezkoen 500 kiloko txapelketaren lehen jardunaldia ere larunbatean jokatu zuten Ibarran Badaiotz, Gaztedi eta Ibarra taldeek.
600 eta 560 kilokoak
Behin 640 kiloko finala jokatuta, gizasemeen 600 kiloko bigarren jardunaldia jokatuko dute urtarrilaren 30ean Berriozarren eta finala otsailaren 6an jokatuko dute Idiazabalen. Emakumezkoen 500 kiloko saioak ere izanen dira. Otsalaren 13an, azkenik, Erandion jokatuko da gizasemeen 560 kiloko saio bakarra.
Euskadikoaren ondotik, otsailaren 18tik 21era Holandako Volendam hirian jokatuko den Munduko txapelketan parte hartuko du Beti Gazte sokatira taldeak.
