640 kiloko kategoriako lehen jardunaldian ere talde berak lehiatu ziren igandean. Hemen multzo bakarrean ari dira, denak denen aurka eta sei lehenbizikoek jokatuko dute azken saioa urtarrilaren 23an Ibarran. Beti Gazte bosgarren izan zen igandean Ezpeletan jokatutako lehen jardunaldian.
640 kiloko kategoriako bigarren jardunaldia urtarrilaren 17an jokatuko dute Bizkaian. Bezperan, urtarrilaren 16an, larunbat arratsaldean Zeberion 600 kiloko lehen jardunaldia jokatuko dute gizasemeek. Kategoria honetan, hameka talde lehiatuko dira eta lesakarrak ez ezik bertze bi talde nafar izanen dira: Txantrea eta Berriozar. Pisu arinagoetan dominetatik hurbilago ibiltzea espero dute lesakarrek.
Erran bezala, urtarrilaren 23an Ibarran 640 kiloko azken tiraldiak eginen dituzte. Urtarrilaren 30ean Berriozarren jokatuko dute 600 kiloko bigarren jardunaldia Berriozarren eta otsailaren 6an Idiazabalen (Gipuzkoa) jokatuko da azken jardunaldia kategoria honetan. 560 kiloko kategorian, azkenik, egun bakarrean erabakiko da txapela, otsailaren 13an Erandion (Bizkaia)