Elkarrizan Bolondres Taldeak bortz herrietako boluntarioak biltzen ditu eta gizarte bazterketa arriskua duten pertsonak laguntzen ditu, gehien bat. Bere zerbitzuen artean, adinekoei eta eriei laguntza eskaintzen die, ospitale eta zahar etxeetan; eta aisialdirako ekintzak egin dituzte ezintasunen bat duten pertsonekin, helduen alfabetizazio lanak eta adin ttikikoei eskola laguntza eskaintzen diete. Bortzirietako Gizarte Zerbitzuen Mankomunitatearen laguntzarekin, Bera, Lesaka, Etxalar, Igantzi eta Arantzako 8.500 bizilagun inguru artatzen ditu.
Hurbileko gizarte ekintza
Elkarrizanek jaso duen aportazioa CaixaBanken hurbiltasuneko Gizarte Ekintzaren baitan dago. 2015ean 1,536 milioi euroko aurrekontua izan zuten horretarako eta 428 toki ekimen bultzatu zituen, urtebete lehenago baino %40 gehiago. Nafarroako iparraldean 55 gizarte egitasmo bultzatu dituzte 2015ean, 121.000 euro baino gehiagoko inbertsioarekin.