Gizonezkoen txapelketan, Arabako Kerman Perez de Heredia izan zen txapeldun, 36 plaza eta 27,80 metro eginez. Ousmane Drame bizkaitarra izan zen bigarren (34 plaza eta 18,50 metro), Oscar Perez bizkaitarra hirugarren (15 plaza eta 4 metro), Andoni Iruretagoiena gipuzkoarra laugarren (10 plaza) eta Igor Landa gipuzkoarra bosgarren (8 plaza eta 22 metro).
Euskadiko harri handien harrijasotze txapelketa ere jokatu zen jaialdi berean. Jokin Eizmendi gipuzkoarra erraz nagusitu zen, denera 7.200 kilo altxatuta. Iban Ugartemendiak 4.975 kilo jaso zituen eta Aimar Galarragak 3.650 kilo.