Lehiaketaren gaia kirolarien esfortzuan oinarriturik zegoen. Erran bezala, parte-hartze handia izan zen eta horregatik, «bai Irain Eskola publikoko baita Tantirumairu ikastolako irakaslegoari lehiaketan izan duten konpromisoa» eskertu die Beti Gaztek eta ehuna euroko saria eman diete bi ikastetxeei. Sari banaketaren aitzinetik, Beti Gazteren himnoaren euskarazko hitzak eginak dituen Manolo Arozenak bertso batzuk kantatu zituen.
Sariei dagokienez, 3. eta 4. mailako ikasleak biltzen zituen A mailan, lehenbiziko saria Janire Otxandorena Mitxelenak eskuratu du, bigarrena Maitane Erkizia Arburuak eta hirugarrena Maider Mitxelenak.
B mailan, (5. eta 6. mailak) lehen saria Naroa Garbisu Etxabidek eskuratu zuen; bigarren saria Sara Txoperena Lacarrentzat izan zen eta hirugarren saria ex aequo jaso zuten Ibon Urrosolo Elgorriaga eta Oihana Arruti Terrerosek.
Neska-mutikoek bale batzuk jaso zituzten sari bezala. Hauekin irakurketa liburuak bakarrik eros ditzakete Lesakako liburudendetan. Horretaz gainera, kirol materiala eta Beti Gazteko historiari buruzko liburuak ere zozketatu zituzten abenduaren 18an egindako sari banaketa ekitaldian.