Bortzirietako eskuz binakako txapelketako gazte mailako finalerdiak ere jokatu dira

Ttipi-Ttapa 2015eko abenduaren 16a

Abenduaren 19an Beran jokatuko diren final guztietako protagonistak jakinak dira

Bortzirietako eskuz binakako XV. pilota txapelketako finalerdi gehienak asteburuan jokatu zituzten Bera eta Lesakako pilotalekuetan. Gazte mailako finalerdiak, berriz, astearte arratsaldean jokatu zituzten Lesakako udal pilotalekuan. Enaitz Telletxea igantziarrak eta Aritz Ariztegi baztandarrak 22-13 irabazi zieten Jon Zabala arantzarrari eta Jonan Fagoaga lesakarrari. Bigarrenean, Mikel Eltzaurdia eta Harri Maritorena beratarrek 22-9 irabazi zieten Xan Ongaretti urruñarrari eta Beñat Ordoki lesakarrari.

Finalak abenduaren 19an Berako Eztegaran

Abenduaren 19an, larunbat goizeko 10etan hasita jokatuko dituzte finalak Berako Eztegara pilotalekuan.

Ttikiak

Amaiur Martinez eta Aimar Otxandorena (Lesaka) – Urko Olaizola eta Unax Bereau (Lesaka)

Umeak

Beñat Bertiz (Irun) eta Andoni Latorre (Bera) – Ion Urkiola eta Koldo Lakar (Bera)

Kimuak B

Mattin Altxu eta Lander Etxenike (Igantzi) – Joseba Telletxea eta Asier Martin (Etxalar)

Kimuak A

Oihan Etxeberria (Oiartzun) eta Apezetxea (Goizueta) – Adei Villamea eta Jon Pagola (Bera)

Haurrak

Xabier Telletxea eta Koldo Bizente (Etxalar) – Unax Villamea (Bera) eta Iker Etxebeste (Irun)

Gazteak

Enaitz Telletxea (Igantzi) eta Aritz Ariztegi (Baztan) – Mikel Eltzaurdia eta Harri Maritorena (Bera)

Txapelketan parte hartu duten ttikiak, umeak eta kimuak kategorietako pilotariek oroigarriak jasoko dituzte, baina hori eskuratzeko txuriz jantzita joan beharko dute pilotalekura.

Kirola Bortziriak

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun