Abenduaren 11n Katakun jokatuko den lehen desafio saioan, alde batetik Larungo Antenak taldea (Patxi Castillo, Aitor Elexpuru eta Julen Zelaieta) eta bertzetik Gorosterra ZU taldea (Iker eta Egoitz Gorosterrazu eta Eneko Fernandez) ariko dira.
Abenduaren 12an, larunbat eguerdiko 12:30ean Lesakako Teleboten jokatuko den kanporaketan, Bertze Balak (Xabier Terreros, Maddalen Lopez eta Jon Silveira) eta Egarrittuk taldea (Josu Sanjurjo, Iban Garro eta Ander Fuentes Itturri) ariko dira. Egun berean, 14:00etan Antoiun eginen den bazkariaren ondotik, Dinosauriuk (Bittor Elizagoien, Juan Mari Lopez eta Joxe Juan Zubieta Etxabe) Erratzuren kontra (Xabier Silveira, Alazne Untxalo eta Amaia Gorosterrazu) ariko dira. Xarutan 17:00etan eginen den hirugarren saioan, Larungo Antenak (Patxi Castillo, Aitor Elexpuru eta Julen Zelaieta) eta Fashion Team (Eneko Fernandez, Ioar Tainta eta Manu Goiogana ) ariko dira.
Ondotik, finalerdian txanda etorriko da. 18:30ean Haizegoan jokatuko dute lehenbizikoa Teleboteko irabazleek Antoiuko irabazleen kontra eta bigarrena 20:00etan Atxaspin izanen dute, Xarutako irabazleek galtzaile puntuatuenaren kontra.
Finala Arranon jokatuko da. 21:30ean afaria eginen da eta ondotik finala. Afarirako txartelak 15 eurotan eros daitezke. Izena emateko bortzibertso@gmail.com helbide elektronikora idatzi edo 618963011 telefonora deitu behar da.
