Gainera, egun hauetan antzerkia nagusituko da Harriondoa Kultur Etxean. Mairu Antzerki Tailerrak antolatutako Keinu Leihoak Antzerki Zikloko larunbateko eta igandeko saioez gain, abenduaren 8an, astearte arratsaldeko 6etan Chef Chof haurrendako ikuskizuna taularatuko du Trokolo Antzerki taldeak. Jirabiran programaren baitan, Lesakako Udalak eta Nafarroako Gobernuak antolatu dute antzerki, zirko eta dantza emanaldia, Nafarroako Antzoki Sarearen laguntzarekin eta sarrera 3 euro ordaindu beharko da.
