Goizean, frontoiaren aparkalekuan utziak zeuden autoak ikusten hainbat lagun ibili ziren eta arratsaldean, Agiñako malda osoan eta batez ere Gardelko Bagoeta inguruan jendetza bildu zen.
Eskualdeko gidarien artean, Joseba Beola beratarra seigarren izan zen sailkapen orokorrean eta lehenbizikoa bere klasean, Motsubishi Lancer Evo autoarekin. Berriki lur gaineko RAC Focus Vasconavarro kopa irabazi duen Iñaki Ubiria lesakarra 20. Izan zen sailkapen orokorrean, hirugarren bere klasean, aldi honetan Renault Clio Sport batekin. Asier Almandoz beratarrak ere Clio bat gidatu zuen eta laugarren izan zen bere klasean (22. Sailkapen orokorrean). Imanol Oskoz elizondarrak Peugeot 205 bat gdatu zuen eta 26. izan zen; Oronoz-Mugairiko Gorka Oteiza 29. Citroen Saxoarekin eta Andoni Blas doneztebarra 38. BMW 325i autoarekin. Sailkapenak
Arratsean plazan egin zen sari banaketa eta bere garaian Eguzki Sport elkartearekin antolaketa lanetan eta larunbatean ere laguntzaile izan zen Koteto Altzugarai lesakarrari omenaldi xume bat eskaini zitzaion.
Antolatzaileak gustora gelditu dira emaitzarekin eta heldu den urtean ere Agiñako maldan probaren bat egiteko asmoa azaldu dute, ahal bada Rallysprint formatoan (goiti eta beheiti, joan-etorria).
