Francisco Javier Irazoki lesakarrak 2006an Los hombres intermitentes lanarekin hasitako prosan idatzitako poema laburren jarraipena da Orquesta de desaparecidos liburu berria. Parisen bizi arren, sortzez Katazpegiko Joantxebordakoa den idazleak, aitzinekoan bezala sorterrian ere aurkeztuko du bere estimuko pertsonen orkestaz ari den liburua: dagoeneko desagertu diren familiakoak, artistak, pertsona xelebreak, balio estetiko edo moral bat irudikatzen duten pertsonak, edo modu batean zein bestean idazlean, poetan, bizi-ikasgai bat txertatu zutenak.