Zehazki, Réquiem de Duruflé joko du Jose Luis Echechipia Paris organojoleak, baina ez da bakarlari ariko. Amaia Larrayoz sopranoa, Irati Goñi biolontxelo jolea eta Barañaingo Abesbatza lagun izanen ditu, Perro Ruiz Huiciren zuzendaritzapean.
Denen artean, begirada bat emanen diote gregoriar kantuari, XX. mendeko musikatik abiatuta. Maurice Duruflé dotorezia handiko musikagilea eta organo-jotzaile birtuosoa da, Solemesko abadetxearekin harreman estua izan zuten frantziar musikagileen eskolakoa, hain zuzen ere, XX. mendean gregoriar kantua lehengoratzeko zentroa.