Ongi ekin zion partidari Olaizolak, bi tanto sakez egin baitzituen eta hurrengo biak dejadaz (4-0). Ezker hormara itsatsitako pilota batekin egin zuen lehen tantoa (4-1), baina hurrengo zortziak segidan egin zituen lesakarrak, alde nabarmena ateraz (12-1). Sakez egindako faltarekin eten zen Olaizolaren bolada, (12-2), eta bi pilotariek tanto bana egin ondotik (13-3), azkeneko bortzak berriz ere lesakarrak egin zituen, txapela janzteko. Denera, sakez 9 tanto egin zituen Jon Olaizolak.
Kadetetan Oberenako Unai Mata
Jaialdi berean, Nafarroaki Kirol Jokoetako kadete mailako finala jokatu zuten Oberenako Unai Matak eta Esteribarko Ander Beteluk. Matak 18-3 irabazi zuen.
Bertze aldetik, Nafarroako Kirol Jokoetako jubenil mailako finalerdiak jokatu ziren eta eskualdeko bi pilotarik lortu zuten finalerako txartela. Lehen finalerdian, Errekako Iker Salaberria goizuetarrak 18-2 irabazi zion Gaskue taldekideari. Bertze finalerdia berdinduagoa joan zen, baina halere, Zugarraldeko Enaitz Antso oronoztarrak 18-9 irabzi zion Oberenako Garciari.
Beraz, Iker Salaberria eta Enaitz Antso aurrez aurre izanen dira finalean.