Emakumezkoen koxkor biltze txapelketan, Maika Ariztegi iturendarra izanen da eskualdeko ordezkaria. Berekin batera, Arabako bertze bi kirolari lehiatuko dira, Zuriñe Frutos eta Nerea Ircio.
Gizonezkoen koxkor biltze txapelketan, berriz, Berako Fernando Etxegarai izanen da eskualdeko ordezkari. Aurten, ustekabean, azpitxapeldun izan zen Nafarroako txapelketan eta Berriozarko Eder Goldarazena txapelduna ere Igantzin izanen da. Arabako Aritz Ruiz eta Gari Uriarte; Bizkaiako Aritz Martin eta Xabat Erleaga eta Gipuzkoako Eneko Garmendia eta Jon Goikoetxea ere lehian ariko dira, bi lerrota 1,25 metrotara jarritako 50 koxkorrak nork lehenago bilduko.
Nafarroako arpana txapelketa mistoa
Nafarroako arpana txapelketa mistoa hirugarren aldiz eginen da eta aitzineko biak ere Igantzin burutu zituzten. Aurten, eskualdeko ordezkaritza murritzagoa izanen da. Iaz, Arraiozko Xabier Urrutia eta Berako Nerea Sorondo izan ziren txapeldun. Aurten, Urrutia ez da ariko eta Nerea Sorondok Arostegiko Julen Kañamares ariko da. Aresoko Itxaso Onsalorekin, berriz, Beunzako Mikel Eugik eginen du bikote. Horiekin batera, bertze sei bikote izanen dira Igantzin: Imanol Kañamares (Arostegi) eta Jone Hualde (Txantrea); Alberto Oteiza (Larrageta) eta Ana Lopez (Lezaun); Adrian Berruezo (Ibero) eta Itziar Nuñez (Lezaun); Oier Kañamares (Arostegi) eta Ainhoa Iraizoz (Elso); Josetxo Barberena (Iraizoz) eta Ana Iraizoz (Elso) eta Mikel Zubiria (Ibero) eta Marian Otxoa (Abarzuza).
Etzanda jarritako 40 ontzako enborrean 10 ebaketa egin beharko dituzte.
Txapelketa hauetaz gain, herritarren arteko herri kirol proba ezberdinak ikusteko aukera izanen da.